اللي عاجبتهم القصيده هذي البيات الثانيه حضرتها لعيون أعضاء منتدى السموح******
*****شكرا****

وين تلقى مثل شخصي شخص..وأطباعي طباع..
ووين تلقى مثل قلبي قلب..اومثلي خليل..

البشر واجد..نعم..لكن فرق الانطباع..
يجعلك يمي تميل..ويم غيري ماتميل..

يارفيقي..إنتبه..واحسن إلي الاستماع..
للمواقف دور في كشف المزيف..والاصيل..

وأنت ماقصرت فيني موقفك..جدا شجاع..
طعنتك في الظهر فعلا كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

يعني أعطيك الثقه وتردها ب"لوي الذراع"..
ياخي ماشالله عليك أبدعت في رد الجميل..

مدري كيف أشكرك مدري كيف ارد الصاع صاع..
كنت أحسب انك عزيز النفس..تطلع لي ذليل..

كم وأنا عييت أصدق فيك قدر المستطاع..
من غبائي كنت اسكت وأعذرك..وأثر الحصيل:

جرح قلب..ميزته في كل يوم..الاتساع..
ودمع عين ينهمر من ضيقتي في كل ليل..

والله إني كنت احبك حب..وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا..كنت ميت للنخاع..
كنت مدري كيف؟لكن كنت صادق معك حيل..

كنت أمارس في غرامي لك سياسة الانصياع..
وكنت لاغي معك فكرة أعتل او أستقيل..

إندفعت بكل مافيني..وسوء الاندفاع..
يجبر الإنسان أحيانا..يفكر بالرحيل..

صدمتي فيك إنت..خلتني أفكر بأقتناع..
إن قتل النفس راحه..لو أنا كنت القتيل..

انفجر راسي من التفكير..وإزداد الصداع..
كيف أنا بفتك من جرحك ودوشة"قال وقيل"

صرت سيره في حلوق الناس..وتالي هالضياع..
"أنتحر؟معقول!يالله وش هذا الغليل؟؟..

رحمتك يارب لامن ضاقت إمنحني وساع..
أنت حسبي في الزمان الجاير ونعم الوكيل..

لاغدى"مستقبلي والماضي"أطراف النزاع..
وصفحة الماضي سواد وشي من هذا القبيل..

فلازم أنسى لجل أنهي بداخلي هذا الصراع..
ولازم أتقوى..عشان أحقق النصر الجليل..

وطالما إن الهجوم افضل وسيله للدفاع..
مستحيل أرضخ لو إن حملي ثقيل..

والبخيل اللي نساني وأشترى فيني..وباع..
يذلف..الله لايرده..والله بجرحي كفيل..

وإن سأل عني..وجاكم بعد فترة إنقطاع..
علموه إني نسيته..بس انا ماني بخيل..

طالما كان السبب في قوتي..قبل الوداع..
بلغوهّّّّّ--أقل شي بخلص الشكر الجزيل..

منقوله

اللــــــــه

روووعة والكاتب ارووع

موضوع تشكر عليه